Fremstu hjólagarpar landsins fyrir Ljósið í Síminn Cyclothon

Í samvinnu við Örninn, Novator, Craft, Ölgerðina, Öskju og Sportval mun einvala lið hjólreiðamanna taka þátt í Síminn Cyclothon 2021, hjólreiðakeppni í kringum Ísland sem fram fer 22 -25.júní næstkomandi.

Í aðdraganda keppninnar hafa liðsmenn heimsótt Ljósið og meðal annars farið í mælingu á líkamsástandi hjá þjálfara Ljóssins.

Markmið með þátttökunni í Síminn Cyclothon í ár er að varpa Ljósi á endurhæfingu krabbameinsgreindra og þá staðreynd að ungir karlmenn eru líklegri en aðrir hópar til að sleppa endurhæfingu þegar þeir greinast með krabbamein.

„Ég held að þetta sé mjög þörf áminning til okkar karlanna sem erum oft meira innávið í öllum svona málum. Gamaldags karlmennskan þar sem allt er tekið á kassan og ekki talað um vandamálin er eitthvað sem við þurfum að útrýma, ég er mjög stoltur af að því að fá að setja mitt nafn við það.“ segir einn af forsprökkum verkefnisins og liðsmaður, Þorsteinn Hallgrímsson.

Liðsmenn Ljóssins eru:

Auðunn Gunnar Eiríksson

Hafsteinn Ægir Geirsson

Hákon Hrafn Sigurðsson

Ingvar Ómarsson

Jón Ingi Sveinbjörnsson

Kristinn Jónsson

Páll Elís

Þorsteinn Hallgrímsson